आम आदमी पार्टीचा ११ वा वर्धापन दिन व संविधान दिन अमळनेर येथे उत्साहात साजरा

प्रतिनिधी-विनायक पाटील
जळगांव – दि. २६ नोव्हेंबर रोजी अमळनेर येथे शासकीय विश्रामगृहात जनतेच्या सहभागाने निर्माण झालेल्या व जनतेचे कल्याण करणाऱ्या आम आदमी पार्टीचा केक कापून व पेढे वाटून ११ वा वर्धापन दिन व संविधान वाचून संविधान दिवस साजरा करण्यात आला. यावेळेस २६/११ रोजी मुंबई येथे झालेल्या दहशतवादी हल्ल्यात शहीद झालेल्या वीर जवानांना भावपूर्ण श्रद्धांजली अर्पण करण्यात आली.
कार्यक्रमाप्रसंगी आम आदमी पार्टीचे जळगाव जिल्हा अध्यक्ष मिलिंद चौधरी यांच्या हस्ते दिप प्रज्वलन करण्यात आले.व कार्यक्रमाचे सूत्रसंचालन जिल्हा सचिव डॉ.नारायण आटकोरे सर यांनी केले. तसेच जिल्हा संघटन मंत्री नामदेव पाटील यांनी जमलेल्या सर्व कार्यकर्त्यांना व पदाधिकाऱ्यांना होणाऱ्या निवडणुका संदर्भात सविस्तर मार्गदर्शन केले.
या कार्यक्रमाप्रसंगी उपजिल्हाध्यक्ष प्रा. गणेश पवार, उपजिल्हाध्यक्ष राजेंद्र पाटील ,अमळनेर तालुका अध्यक्ष स्वप्निल पाटील, अमळनेर शहर अध्यक्ष प्रतिभा पाटील, जळगाव शहर माजी महानगरप्रमुख योगेश हिवरकर ,माजी जिल्हा मीडिया प्रमुख योगेश भोई ,चोपडा तालुका अध्यक्ष समाधान बाविस्कर , चोपडा शहर अध्यक्ष सुधीर पाटील,मुकुंद पाटील ,ओम प्रकाश अग्रवाल ,पवन खंबायात ,राहुल ताडे ,सलीम खान ,दीक्षा साळुंखे ,डॉ रुपेश संचेती ,रामकृष्ण पाटील ,नारायण पाटील आदी कार्यकर्ते व पदाधिकारी मोठ्या संख्येने उपस्थित होते.