प्रतिनिधी सुमित सोनोने मूर्तिजापूर, अकोला
मुर्तीजापूर तालुक्यातील राष्ट्रीय महामार्ग क्र. 53 वर आज, 29 ऑगस्ट रोजी दुपारी दोन ते अडीच वाजताच्या सुमारास पैलपाडा येथील पेट्रोल पंपाजवळ भीषण अपघात घडला. एमएच 37 टी 3293 क्रमांकाचा आयशर ट्रक भरधाव वेगात असताना अचानक टायर फुटल्याने रस्त्याच्या कडेला पलटी झाला.
या भीषण अपघातानंतर महामार्गावरील वाहतूक पूर्णपणे ठप्प झाली असून वाहनचालकांना प्रचंड गैरसोयींचा सामना करावा लागला. सुदैवाने या अपघातात कुठलीही जीवितहानी झाली नाही.परंतु वाहनाचे मोठे नुकसान झाले आहे.अपघातानंतर घटनास्थळी काही काळ गोंधळाचे वातावरण निर्माण झाले. बेफिकीर वेग,वाहनाच्या कंडिशनकडे दुर्लक्ष आणि तांत्रिक देखभालीवरील बेफिकिरी हे अशा अपघातांचे प्रमुख कारण असल्याचे प्रत्यक्षदर्शी वाहनचालकांनी सांगितले. या निष्काळजीपणामुळे दुसऱ्या वाहनांनाही धोका निर्माण होतो, याकडे प्रशासनाने गांभीर्याने लक्ष देण्याची गरज आहे.घटनेची माहिती मिळताच वीर भगतसिंग आपत्कालीन शोध व बचाव पथक घटनास्थळी धावून आले व त्यांनी तत्काळ मदतकार्य सुरू केले.त्याचवेळी पोलिसांनीही घटनास्थळी धाव घेऊन वाहतूक सुरळीत करण्यासाठी पुढाकार घेतला.स्थानिक वाहनचालक व ग्रामस्थांनी वारंवार होत असलेल्या अशा अपघातांवर वाहतूक विभाग आणि महामार्ग प्राधिकरणाने कडक पावले उचलण्याची मागणी केली आहे.
