बालाजी तोरणे पाटील अहमदपूर तालुका प्रतिनिधी
अहमदपूर तालुका हाडोळती येथील श्रीहरी प्राथमिक विद्यामंदिर व दयानंद माध्यमिक विद्यालयात प्रा. पी. टी. पवार सरांचा 75 वा वाढदिवस साजरा करण्यात आला. या कार्यक्रमाचे अध्यक्ष प्राचार्य कौडगावे गणपत होते ,तर प्रमुख पाहुणे म्हणून मुख्याध्यापक अर्जुन कानवटे हे होते .यावेळी किसान शिक्षण प्रसारक मंडळ हाडोळती तालुका अहमदपूर चे अध्यक्ष आदरणीय प्रा. पी .टी. पवार सरांचा 75 वा (अमृत महोत्सव) साजरा करण्यात आला. त्यावेळी प्रा.पी.टी. पवार सरांचा वाढदिवस साजरा करून शाळेतील सर्व विद्यार्थ्यांना वाढदिवसानिमित्ताने खाऊ वाटप करण्यात आले. उपस्थित मान्यवरांनी आदरणीय सरांच्या जीवनावर विचार मांडले. वाढदिवसानिमित्ताने शाळेत वर्षभर अमृत महोत्सवी वर्ष म्हणून विविध कार्यक्रमाचे आयोजन करण्यात येणार आहे. यावेळी शिक्षक, शिक्षकेतर कर्मचारी व विद्यार्थी उपस्थित होते.
