जळगाव-धरणगाव शहरात श्रावण महिन्यात मरीआई यात्रेनिमित्त कुस्त्यांच्या दंगलीसाठी देशातील व राज्यातील नामवंत मल्ल होणार सहभागी
धरणगाव:- नुकतीच श्री व्यायाम प्रसारक मंडळाची वार्षिक सभा लाड शाखीय वाणी समाज मंगल कार्यालय येथे मंडळाचे अध्यक्ष श्री भानुदास विसावे यांच्या अध्यक्षतेखाली पार पडली.
सभेत मंडळाचे पदाधिकारी उपाध्यक्ष मंगलदास भाटीया,सेक्रेटरी प्रशांत वाणी,सह सेक्रेटरी विलास येवले,खजिनदार कमलेश तिवारी मंडळाचे जेष्ठ सदस्य सुरेश चौधरी,ज्ञानेश्वर महाजन, गुलाबराव वाघ, भास्कर मराठे, नारायण महाजन, देवीदास महाजन, गुरू वैदू, किशोर वाणी, भरत असर, प्रकाश मराठे,किशोर महाजन , बाळकृष्ण येवले,सुनिल चौधरी, शरद भोई, रावा भोई , गोपाल पाटील , किरण वाणी यांच्या उपस्थितीत सभा पार पडली .
यावर्षी ऑगष्ट महिन्यातील २२,२९ व सप्टेंबर महिन्यातील ५,१२ या तारखांना मरीआई यात्रे निमित्त भव्य कुस्त्यांची दंगल भरवण्याचे सर्वानुमते ठरले. दरवर्षाप्रमाणे यावर्षी देखील देशातील नामवंत पहेलवानांना आमंत्रित करण्याविषयी चर्चा झाली.गावातील नागरिकांचे डोळ्याचे पारणे फिटेल अश्या कुस्त्या लावण्याचा मनोदय मंडळाने आखला आहे.यावर्षी देखील मानाचा खान्देश केशरी किताब मानाच्या कुस्ती विजेत्याला देण्यांत येणार आहे. सभेत सर्व सभासदांनी सहभाग नोंदवून खेळीमेळीच्या वातावरणात विषयांवर चर्चा झाली.अध्यक्षांनी उपस्थितांचे आभार मानून सभा संपल्याचे जाहीर केले.
