धरणगाव शहर नगरपरीषद क्षेत्रात स्वीप अंतर्गत मुख्याधिकारी रामनिवास झंवर याच्या मार्गदर्शनात मतदान जनजागृती अभियाना राबविण्यात आले. या अंतर्गत DAY-NULM अभियानांतर्गत स्थापित महीला बचतगटांची भव्य रॅली नगर परीषद कार्यालय ते सांने पटांगण, कोटबाजार धरणगाव येथपर्यंत काढण्यात आली. याप्रसंगी शहरातील 240 महीला बचतगटांच्या 800 ते 900 महीलांनी उत्स्फूर्त प्रतिसाद नोदविला. *मतदार राजा जागा हो , लोकशाहीचा धागा हो* अशा घोषणांनी परिसर दणाणून उठला. महीलांच्या हातातील मतदान जनजागृतीचे कट आऊट्स विशेष आकर्षण ठरले. समारोप प्रसंगी तहसीलदार महेंद्र सुर्यवंशी यांनी मार्गदर्शन केले. व्यासपीठावर मुख्याधिकारी रामनिवास झंवर , सहा. पोलिस निरीक्षक निलेश वाघ उपस्थित होते. या ठिकाणी उपस्थितांना मतदान संबधी शपथ देण्यात आली.
