प्रतिनिधी- चोपडा तालुका/ विनायक पाटील
चोपडा – शहरातील पंकज नगर भागातील एका घराचा आतील भागात प्लास्टर चे काम करण्या करता भांधण्यात आलेल्या चार फूट उंचीवर असलेल्या फालक वर काम करणाऱ्या आबीदखा गफ्फारखा पठाण वय 35 रा. हमीद नगर याचा अचानक तोल गेल्याने फालक वरून पडल्याने डोक्याला जबर मार लागल्यामुळे जागीच मृत्यू झाल्याची घटना आज रोजी दुपारी एक वाजेचा सुमारास घडली.घरातील करता व्यक्ती निघून गेल्याने सर्वत्र हळ हळ व्यक्त करण्यात येत आहे.याबाबत डॉ. चंद्रहास पाटील उपजिल्हा रुग्णालय चोपडा यांनी पो.स्टे ला फोनद्वारे खबर दिली की, यातील मयत आबीदखा गफ्फारखॉ पठाण वय 35 रा. हमीद नगर चोपडा ता. चोपडा जि. जळगांव. हा घराचे प्लास्टर करित असतांना तोल जावून जमिनीवर पडुन मार लागल्याने त्यास त्याचे नातेवाईकांनी मयत स्थितीत उपजिल्हा रुग्णालय चोपडा येथे दाखल केले असता डॉक्टरांनी त्यास तपासुन मयत घोषीत केले.चोपडा शहर पोलिस ठाण्यात अकस्मात मृत्युची नोंद करण्यात आली आहे पुढील प्राथमीक तपास मा. पो.नि.सो. यांच्या आदेशाने पोहेकॉ श्रावण जवरे हे करीत आहेत.
