महाशिवराञी निमित्त दिवसभर भाविकांची अलोट असते गर्दि
पंढरपुर (संभाजी वाघुले) – पिराची कुरोली ता.पंढरपुर येथील हद्दीत असलेले संगोबा मंदिर अत्यंत जुने व हेमाडपंथीय आहे. या मंदिरात प्रत्येक वर्षी महाशिवराञी मोठ्या उत्साहात साजरी केली जाते. तसेच संपुर्ण श्रावण महिन्यात व श्रावणी सोमवारी या दिवशी दिवसभर हजारो भाविक दर्शन घेतात. शेळवे परिसरातील शेळवे देवडे खेडभाळवणी पिराचीकुरोली पटवर्धनकुरोली भंडीशेगाव अशा सर्व गावातील भाविक महाशिवराञ निमित्त दर्शनाला भल्या पहाटेपासुन येत असतात.
संगोबा मंदिर हे कासाळ ओढा व भिमा नदिच्या संगमावर असल्यामुळे या मंदिराला संगोबा असे संबोधले जाते.या मंदिरातील पिंड अत्यंत जुनी व मोठी आहे.या पिंडीवरील शालिग्राम हा मोकळा आहे.असा शालिग्राम मोकळा असणारे असे मंदिर आसपास कुठेही पाहायला मिळत नाही. भिमा नदी पाञ व कासाळ ओढा यांच्या संगमापासुन अवघ्या २०० फुटावर हे संगोबा मंदिर आहे. भिमा नदीला आजपर्यंत आलेल्या पुरात एकदा ही या मंदिरात पाणी गेलेले नाही. या मंदिराच्या आसपासची गावे शेळवे ,पिराची कुरोली या गावात पाणी शिरते परंतु संगोबा मंदिराच्या खालील पायरीपर्यंतच पाणी येते. पण मंदिरात आजपर्यंत कधीच पाणी शिरलेले नाही. या संगोबा मंदिराच्या बाहेरील उजव्या बाजुस मोठा दगडी कुंड आहे.तसेच मंदिराच्या बाजुला जुन्या दगडी कोरीव शिळा आहेत.तसेच मंदिराच्या पुढील बाजुसलाही लहान व मोकळा शालिग्राम असणारी पिंड आहे. भिमा नदी व कासाळ ओढा या संगमावर ही एक मंदिर असल्याच्या खुणाही आहेत. मागिल काही वर्षापुर्वी नदीपाञ (चवञा)संपुर्ण कोरडे पडल्यानंतर या ठिकाणी मंदिर असल्याच्या खुणा आढळुन आल्या आहेत.
