सुनील गायकवाड यांना उमेदवारी जाहीर
चोपडा प्रतिनिधि – विनायक पाटील
वंचित बहुजन आघाडीचा सहकारी पक्ष ज्यासोबत वंचितची युती झालेली आहे अश्या भारत आदिवासी पार्टी चे राष्ट्रीय उपाध्यक्ष सुनील गायकवाड यांना चोपडा विधानसभा मतदारसंघातून उमेदवारी जाहीर झाली आहे. सुनील गायकवाड हे आदिवासी एकता परिषदेचे राज्यसचिव असून गेल्या वीस वर्षापासून आदिवासी एकता परिषद मार्फत आदिवासींसाठी काम करीत आहेत. त्यांच्या कामाला प्रकाशजी आंबेडकर यांनी न्याय दिला आहे. येणाऱ्या विधानसभेमध्ये चोपडा विधानसभेसाठी प्रकाशजी आंबेडकर साहेब यांनी नुकत्याच झालेल्या पत्रकार परिषदेत सुनील गायकवाड यांची उमेदवारी चोपडा विधानसभेसाठी जाहीर केली आहे. तसेच येणाऱ्या 30 सप्टेंबर रोजी आदिवासी नेते आणि भारत आदिवासी पार्टीचे विद्यमान खासदार राजकुमार राऊत आणि संध्या प्रकाशजी आंबेडकर यांची मोठी जनसभा चोपडा येथे नगरपालिका स्टेडियमवर आयोजित करण्यात आलेली आहे. संपूर्ण आयोजन सुनील गायकवाड यांनी केले आहे. त्यांची चोपडा विधानसभा मतदारसंघात जोरात तयारी चालू आहे.
चोपडा विधानसभा मतदारसंघ हा एसटी साठी राखीव असून पहिल्यांदाच भिल्ल समाजाचा व्यक्ती आमदारकी लढणार आहे. असा समाज की जो खूप गरीब म्हणून गणला जातो अशा समाजातून आजपर्यंत कोणीही आमदारकीसाठी लढलेले नाही. इतिहासात पहिल्यांदाच जळगाव जिल्ह्यातुन भिल्ल समाजातून आमदारकीसाठी सुनील गायकवाड यांनी तयारी केली आहे. राखीव मतदारसंघ आणि भिल्ल समाजाचा उमेदवार यामुळे आगामी निवडणूक रंगतदार होणार असल्याचे चित्र सध्या चोपड्यात निर्माण झाले आहे.
